LEGAZPI CITY-Kinumpirmar ni Marikina Representative Marcy Teodoro an reentry kan mga nakumpleto na flood control projects sa saindang ciudad asin road repairs o rehabilitasyon sa mga maayos na agihan na nasa 2026 National Expenditure Programs (NEP) na isinumiter kan Department of Budget and Management (DBM) sa House of Representatives.
Inalmahan ini ni Teodoro huli sa nakumpleto na an mga nasabing proyekto alagad napondohan giraray para sa 2026 national budget.
Ipighayag ni Teodoro na igwang nagkapirang item sa 2026 national budget an saiyang napansin asin sinabihan niya si DPWH Secretary Manuel Bonoan na kan 2023 pa sana an igwang project na pigigibo siring kan slope protection sa Balanti Creek sa Barangay Sto. Niño na natapos na alagad nahiling niya an item na nakaiba pa sa flood mitigation program na isasagibo giraray.
Sinegundahan ni Teodoro an ipigbuyagyag ni Deputy Speaker asin Antipolo City Rep. Ronaldo Puno na igwang mga flood control projects sa 2026 National Expenditure Programs an nakumpleto na.
Sinabi pa ni Teodoro na hahagadan niya nin paliwanag an DPWH katakod sa nangyaring duplication na hale mismo sa listings kan ahensya asin wara man sa sa House of Representatives.
Kinuwestyon man niya asin ni DPWH Secretary Bonoan kun nata nagkaigwa nin reentry kan proyekto.
Tinawan doon man niya na dapat igwang konsultasyon sa mga LGUs para sa mga proyekto.
Pangapodan man kaini sa DPWH na dapat ag mga proyekto an kinokonsulta sa mga local government.
