Nakasabay an Manila sa listahan kan pinakadelikadong lugar sa kinaban para sa mga turista.
Base sa Forbes Advisor, panglima an Pilipinas sa riskiest city sa kinaban na may total score na 91.49.
Bagsak an Pilipinas sa ika-siyam na pwesto sa crime risk; pang-lima sa personal security risk; pang-pito sa health security risk; pang-siyam sa infrastructure security risk, asin pang-12 sa digital security risk.
Kasabay pa sa mga pinakadelikadong ciudad sa kinaban an Lago, Nigeria sa ika-apat na pwesto, Yangon, Myanmar sa ika-tolo; Karachi, Pakistan sa ika-duwa asin nangengenot an Caracas sa Venezuela.
Mientras tanto, para man sa pinaka-salbadong lugar o safest city na magayong bisitahon, nangengenot diyan an Singapore.
Sinundan kan Tokyo, Japan sa panduwang pwesto; Toronto, Canada, sa ika-tolong pwesto, Sydney, Australia sa pang-apat asin Zurich, Switzerland sa ika-limang pwesto.
