Dae na nakaporbar an sarong lalaki makalihis madakop sa aktong pagbaklas kan sarong air conditioning unit sa Brgy. Rosary Heights 11, Cotabato City.
Binisto an suspetsado sa alyas na Prexy, residente kan Pagadian City, segun kay Barangay Chairperson Joharto Binangon.
Susog sa report, narisa kan security force kan barangay an kaduda-dudang hiro kan suspek asin naabutan ini mantang pigtatanggal an aircon hale sa sarong establisyemento.
Tulos ining inarestar kan mga tanod sa pangengenot kan kapitan asin dinara sa Police Station 2 para sa magkakanigong imbestigasyon.
Mahahampang si Prexy sa kasong panghahabon.
Napag-aramang saro sana ini sa serye kan mga insidente nin panghahabon sa lugar, na padagos na pigtututukan kan barangay nganing mamantenir an seguridad.
