Nakakaalarma kun mapapatunayang totoo an suboot “secret deal” o sekretong kasunduan katakod kan PDAF case ni Senador Joel Villanueva.
Segun ki Palace Press Officer asin Presidential Communications Office (PCO) Undersecretary Claire Castro, importanteng mamantenir an tiwala kan publiko sa sistema kan hustisya kan nacion, kaya anumang indikasyon nin katiwalian o sekreto na kasunduan an dapat maimbestigaran nin marhay.
Simbag ini ni Castro sa report na suboot “secret decision” ni former Ombudsman Samuel Martires sa dismissal case ni Senator Joel Villanueva kan 2016.
Pagdoon ni Castro, na dae dapat nagkakaigwa nin pagdududa an publiko sa sistema kan hustisya urog na an Ombudsman an pangenot na institusyong naglalaban sa korapsyon.
Inengganyar man kan Palasyo si Ombudsman Jesus Crispin “Boying” Remulla na hilingon an isyu nganing maaraman kun may nabalgar na ley o iregularidad.
Dugang pa kan opisyal na dapat siertohon kan Ombudsman na gabos an nag-agi sa tamang proseso asin may wastong abiso sa mga kinauukulan nganing mamantenir an tiwala kan namamanwaan.
