Dae na suboot ikinakigkig ni Presidente Ferdinand Marcos Jr. an naging tuyaw ni Vice President Sara Duterte sa foreign policy kan administrasyon.
Sa rally sa Australia, kinuwestyon kan bise presidente ang foreign policy kan administrasyong Marcos.
Dapat na suboot magkaigwa nin independent foreign policy imbes na mag-apil sa Estados Unidos na nahiling suboot sa orolay kan West Philippine Sea.
An pigsabi ni Duterte an Typhon missile system gikan sa Amerika na idineploy sa Pilipinas kan enot na parte kan 2025.
Ginamit ini sa Balikatan exercise sa pagultangan kan Armed Forces of the Philippines asin US Armed Forces.
Alagad segun ki Palace Press Officer Claire Castro, sinabi kan Presidente na nasasabi kan mga Duterte an siring na pahayag huli ta pro-China ang mga ini.
Kontra suboot an saindang posisyon kay PBBM na pro-Philippines.
Enot nang kinontra kan think tank na Stratbase an banat ni VP Sara sa pagsasabing warang pigpapaboran an Pilipinas asin imbes pigpapaiiral kan administrasyon an “principled diplomacy” asin rules-based approach.
