Mahigot na pig-implementar kan Department of the Interior and Local Government (DILG) an Anti-Epal policy sa bilog na nasyon.
Sa irarom kan Memorandum Circular No. 2026-006, pinagsugo an gabos na lokal na gobyerno asin opisina kan DILG na tulos na halion an mga pangaran, ladawan, logo, slogan, asin anuman na simbolo kan mga opisyales sa mga proyektong pinondohan kan gobyerno.
Pigdoon ni Interior Secretary Jonvic Remulla na hali sa buwis kan namamanwaan an mga proyekto asin dae dapat gibuhon na personal na billboard para sa mga pulitiko.
Nanindugan an DILG na an public office an public trusts, asin an paggamit nin pondo para sa self-image enhancement an labag sa Constitution, Code of Conduct, asin Commission on Audit policies.
Ini an orog pang pinakusog kan 2026 General Appropriations Act na tahasang nagbabawal sa pagbugtak kan pangaran asin ladawan kan sarong opisyal sa mga proyektong pinondohan kan publiko.
Pigsugo an gabos na opisyales na tulos na ayuson asin haleon an mga materyales na dai nagsusunod, asin papanimbagon an mga lider kan opisina sa pagsunod.
Kasabay kaini, liwat na nangapodan an DILG asin si Presidente Ferdinand Marcos Jr. na an gabos na proyekto kan gobyerno dapat na malinig sa epal asin personality branding, asin pig-enganyar an publiko na isumbong an mga nagbabalgar.
 is strictly implementing the Anti-Epal policy nationwide.){kind=link}