Trahedya an inabot kan sarong mag-agom makalihis sindang badilon kan dae nabibistong parasalakat sa Brgy. Patong, Magsingal, Ilocos Sur.
Segun sa report kan pulis, binawian nin buhay an 32-anyos na paratukdo asin an saiyang 33-anyos na agom, mantang an saindang 9-anyos na aking lalaki na kaiba ninda sa traysikel an milagrosong dae nagsapo nin lugad.
Basado sa imbestigasyon, nagbibiyahe an pamilya sa tinampo kan barangay pasiring sa norte lunad nin traysikel kan bigla sindang badilon kan suspek na naka-bonnet.
Makalihis an pambabadil, tulos na nagdulag an mga nagbadil pasiring sa dae maaraman na direksyon.
Nagsapo nin tama nin bala sa manlaenlaeng parte kan saindang lawas an mag-agom.
An lalaki pigdeklarar na dead on arrival sa ospital, mantang binawian nin buhay an babae mantang pigbubulong.
Segun sa mga awtoridad, bago mawaran nin malay, nasambit pa ngani kan babaeng biktima kun sisay an nagbadil sa sainda.
Narekober sa pinangyarihan kan krimen an mga basyo kan bala kan cal. 5.56 asin cal. 45.
Sa ngonian, nagpapadagos pa an imbestigasyon kan mga otoridad dapit sa insidente.
