LEGAZPI CITY–-Nakumpiskar kan Catanduanes Police Provincial Office an maabot sa 91 na improvised cannons o boga sa probinsya.
Segun ki Police Lieutenant Colonel Rosalinda Gaston an tagapagtaram kan Catanduanes PPO, sa intrevista kan Bombo Radyo Legazpi, na an mga nakumpiskar kan saindang mga otoridad na mga improvised cannons o boga nagpuon kan Disyembre 16 hanggang Disyembre 31.
Nangengenot digdi an banwaan kan Bato na may 31 na nakumpiskar, sinundan kan Caramoran, Virac, asin San Andres na may siyam (9); Pandan na may anom (6); Bagamanoc, Panganiban, asin San Miguel na may lima (5); Baras na may apat (4); Gigmoto asin Viga na may tulo (3) na mga nakumpiskar na boga.
Dugang kaini na kadaklan sa mga nagggamit kaini an mga kaakian asin kajovenesan.
Sinabi kan opisyal na wara man na nairehistrong irido sa nasambitang mga paputok.
Mientrastanto, padagos man an saindang paglilibot sa mga manlaen-laen na lugar para maasigurar an kaligtasan asin seguridad kan mga namamanwaan ngunyan na holiday season.
