LEGAZPI CITY- Buminadol na sa maabot 1000 an mga personalidad na naarestar kan kapulisan sa rehiyong Bicol na imbwelto sa mga iligal na sugal.
Base sa pinakahuring datos kan Police Regional Office 5 (PRO5) puon Pebrero 3 hasta Abril 30, nasa 982 an mga indibidwal na nadara sa pangangataman kan mga otoridad na naaktuhan sa iligal na aktibidad sa labi 300 na anti-illegal gambling operations na ikinondusir sa anom na provincia sa Bicol.
Sa presente, kapot kan Albay an pinakadakol na operation na ikinondusir na nasa 58 mantang labi sa 207 an naarestar.
Mientras tanto, maabot man sa P200, 000 an kantidad kan mga narekober na items sa nasambit na mga operasyon.
