LEGAZPI CITY- Kilo-kilong karne kan manok asin orig an kinumpiskar kan mga personahes kan Legazpi City Veterinary Office asin National Meat Inspection Service (NMIS) makalihis na maaramang nagbayolar sa proper meat handling standard na ipigpapaotob.
Sa intrevista kan Bombo Radyo Legazpi ki Legazpi City Veterinary Office Operationshead Dr. Emmauel Estipona, hale an maabot sa 100 kilo o 96.61 kilo kan karneng orig asin manok sa sarong dakulang mall sa ciudad asin nagkapirang stalls sa wet market.
Napag-araman na nagbalgar an mga ini sa Republic Act No. 10536 o The Meat Inspection Code of the Philippines makalihis na magluwas na nagsobra sa ipigtalaan na internal temperature para sa frozen meat na dapat na nagkakawat sana sa -1 hasta -5 degrees Centigrade tangarig na dae malaog nin bacteria.
Dugang pa ni Estipona na enot na man na nagbaba nin warning sa mga ini katakod kan mishandled meat.
Sa presente, nakatalaan na ilubong an mga nasabing karne sa condemnation place harani sa slaugterhouse kan Legazpi.
