Nadiskubre kan Philippine National Police–Highway Patrol Group (PNP-HPG) na may kuwestiyonableng dokumento an saro sa mga luxury vehicle na konektado sa dating Ako Bicol Party-list Rep. Elizaldy “Zaldy” Co.
Segun ki HPG Director Hansel Marantan, sarong Ferrari na pigkakarkulong nagkakantidad nin ₱37 million an nairehistro sa Land Transportation Office (LTO) sa saro pang kagsadiri, base sa sarong macro-etching na dai nakatugma sa opisyal na record.
Pigdududahan kan mga awtoridad na an behikulo pwedesir imbuelto sa sarong “kambal plaka” scheme, na kalimitang konektado sa smuggling o carnapping.
Afuera digdi, sarong Lexus hybrid an suboot ipinangaran sa agom kan dating mambabatas, mantang an sarong GMC Cadillac nadiskubre na warang mga dokumento.
Nagpapadagos pa an imbestigasyon huli ta pigtutunto kan HPG an labi sa 10 luxury vehicles na posibleng konektado ki Co.
 discovered that one of the luxury vehicles connected to former Ako Bicol Party-list Rep. Elizaldy “Zaldy” Co.){kind=link}