LEGAZPI CITY — Nakatalaan na ibalyo an opisina kan LTO Legazpi sa sarong seaside mall na sakop kan Barangay Victory Village huli sa manlaen laen na reklamo sa saindang presenteng opsina siring na sana kan mabatang parong na naghahali sa kataid na merkado asin an pagkakawsa kaini nin gubot sa trapiko huli sa kakulangan sa parking space.
Sa intrevista kan Bombo Radyo Legazpi ki LTO Regional Director Noreen Lutey, pighayag kaini na pagtukaw pa sana niya sa pwesto, ipinaisi na an nasambitan na plano sa saindang mga partner agencies alagad ngunyan pa sana natatawan nin atensyon.
Sa ngunyan wara pa man suboot pinal na petsa o aldaw kun nuarin gigibuhon an nasambitan na paglipat kan saindang opisina alagad target kaini antes pa man matapos an bulan kan Abril.
Pigklaro man kan opisyal na dakula an saindang natipid sa nakatalaan na pagbalyo huli ta libre an ipig-opresir na tabang kan nasambitan na mall alagad bilang karibay, pigtutugutan an mga ini na mag-invest asin magbugtak nin emission center alagad bako ini exclusive.
Dugang pa ni Lutey na an bagos na magpapasiring sa saindang opisina maski hali sa ibang kumpanya an dae pwedesir na sayumahan.
Mientrastanto, naglalaom man an opisyal na dae na mauutro sa syudad kan Legazpi an saindang nagin eksperyensya sa syudad kan Naga kasabay kan pagsiyerto na magtatao nin magayon na serbisyo sa publiko.
