LEGAZPI CITY—Mas pinahigot pa kan Land Transportation Office Bicol sa pakikipagkoordinar sa ibang ahensya an saindang kampanya mapadapit sa road safety sa paagi kan paglansar nin SPARK Project (Safety, Protection, Action, Responsibility, Knowledge) sa rehiyon.
Segun ki Land Transportation Office Bicol Head Public Assistance Office Czar Bryan Ceas, sa intrevista kan Bombo Radyo Legazpi, sa paagi kan nasabing lakdang an mas mapapapirme an saindang pagkundusir nin road safety seminars asin theoretical driving course sa Bicol.
Saro suboot sa pinakaimportante sa sarong road user o gabos na naggagamit nin tinampo, an kaaraman asin pagigin responsable pag-abot digdi.
Afuera digdi, dapat aram man kan road user an gabos na basic rules asin regulations kan saindang ahensya nganing magin ligtas an biyahe.
Mas pinahigot man ninda an enforcement activities kun saen mas mahihiling an mga law enforcers sa mga tinampo sa rehiyon.
Pagdoon kan opisyal na obheto kan nasambitang lakdang na mabawasan an numero kan road crash sa Bicol.
Tinawan-doon man ni Ceas na an pagigin road user an sarong shared responsibility, kaya dapat siertohon na road worthy o karapat-dapat na magamit sa tinampo an mga gagamiton na behikulo, asin mas importante na ipag-check an sadiri en kaso man na may balak na magmaneho.
