LEGAZPI CITY – Naga-akseptar na an Land Transportation Franchising and Regulatory Board Bicol nin aplikasyon para sa mga local bus na mawot na magbiyahe sa luwas kan rehiyon.
Ini an katakod kan pinaglalaoman na pagruso kan mga biyahero para sa obserbasyon kan Undas.
Segun ki Land Transportation Franchising and Regulatory Board Bicol Director Joel Defeo sa intrevista kan Bombo Radyo Legazpi na kinakaipuhan na magkaigwa nin bastanteng mga behikulo ngani na matanos na mapagserbisyuhan an mga biyahero.
Sa presente igwa na suboot na naresibe na mga aplikasyon an ahensya asin pigpo-proseso na sa ngunyan.
An nasabing special permit an pwedesir na magamit puon Oktubre 30 hasta Nobyembre 3.
