Ipig-anunsyar ni Presidente Ferdinand Marcos Jr., na may libreng sakay an gabos na tren kan LRT-1, LRT-2 asin MRT-3 ngunyan na aldaw nin Biyernes, Disyembre 20.
Pigtaram ni Presidential Communications Office Secretary Cesar Chavez, na sasaguton kan Office of the President an gabos na mga gastuson.
Ini pirming ipigsasagibo kada Biyernes bago mag-Pasko.
Sa pahayag ni Presidente Marcos, na ngunyan na taon sana nairehistro an pinakahalangkaw na ridership.
Maikokonsiderar na ini na an simpleng pamasko kan presidente sa publiko na nagpepreparar sa papaabuton na kapaskuhan.
Piglalaoman kan Palasyo na magkakaigwa nin 460,000 na pasahero an malunad sa LRT-1, mantang igwang 200,000 para sa LRT-2 asin 450,000 man para sa MRT-3.
Mientrastanto, bilog na aldaw magkakaigwa nin libreng sakay an gobyerno para sa nasambitang mga train systems.
