LEGAZPI CITY- Kaabang-abang an mangyayaring ‘longest total lunar eclipse for the 21st century’ na mapuon bandang 1:30 sa agang maagahon.
Mahihiling an pagpatahaw kan earth sa bulan asin aldaw siring man an ipigkokonsiderar na ikaduwang blood moon ngonian na taon.
Sa intrevista kan Bombo Radyo Legazpi ki PAGASA Astronomical Publication Unit chief Pepe Mendoza, ‘best time’ sa total lunar eclipse an alas-3:25 kan maagahon kun saen mahihiling an fully covered na bulan o total eclipse.
Bandang alas-5:44 kan aga naman an piglalaomang pagbaba kaini sa horizon o pagtatapos kan lunar eclipse sa parte kan Pilipinas.
Afuera pa digdi segun ki Mendoza, magkakaigwa man nin “planetary conjunction” kun saen gamit an binocular asin iba pang event monitoring instrument, mahihiling sa ibaba kan bulan an planetang Mars asin an yellowish na Saturn.
Mientras tanto, bilog na mahihiling an mga nasabing pangyayari sa mga lugar na warang maray nakatahob na panganuron na mantang makua man nin mga ladawan sa manlaen-laen na stages kan eclipse an PAGASA central office.
Piglalaomang mauutro an pangyayari sa taon pang 2123.
