LEGAZPI CITY – Naglalaom an cabinet cluster kan gobierno na maabot an mag pigtatarget sa Ambisyon Natin 2040 asin masimbagan an mga pigmamawot kan mga Pilipino.
Sa intrevista kan Bombo Radyo Legazpi ki National Economic and Development Authority Asec. Carlos Abad-Santos, nagluluwas sa isinagibong survey na kaibanan sa mga kamawotan an masimbagan sa pag-abot kan taong 2040 an “Matatag, Maginhawa at Mapanatag na Buhay pa sa Lahat.”
Nakapalaman sa Matatag an bastanteng oras sa pamilya asin community engagement; sa Maginhawa man an sadiring harong asin daga mantang sa Mapanatag an seguradong futuro asin bastanteng ganansya sa pagbuhay-buhay asin emerhensya.
Dugang pa ni Santos na naka-summarize na suboot ini sa mga gustong maabot kan mga kahimanwa. An kagayunan man suboot kan Philippine Development Plan sa ngonian, iyo an long term vision na maihawas an mga Pilipino sa pagtios sa masunod na peryodo na naka-angkla sa Ambisyon 2040.
Parte an nasabing opisyal kan delegasyon kan Dagyaw sa Bicol na isinagibo ngonian na aldaw, Agosto 27 sa ciudad kan Legazpi.
