Mahigot na pigbabantayan kan Department of Health (DOH) an presyo kan mga bulong ktahaw kan naga iral na oil crisis.
Segun ki DOH spokesperson asin Undersecretary Albert Domingo, nagpapadagos an saindang monitorig mantang nagsasagibo nin iba pang mga lakdang siring kan inventory checks asin contingency planning, partikular sa mga ospital kan ahensya ngani na masierto na dae mao-octaba an suplay kan bulong asin medical supplies.
Enot na man na sinabi kan Department of Health na pigbabantayan an presyo kan bulong asin mga kagamitan makalihis magpatanid an sarong ekonomista na posibleng maapektaran kan inflation an sektor kan salud huli sa krisis sa Middle East.
Dugang pa ni Domingo na kaipuhan siertuhon kan PhilHealth na makasasabay ini sa pinaglalaoman na paglangkaw na demand sa serbisyong pang salud.
Nangapudan man ini sa publiko na masabutan an breakdown o “unbundling” kan singil sa mga pribadong ospital, urog na sa tahaw kan paglangkaw kan presyo huli sa inflation.
