LEGAZPI CITY- Arestado an sarong negosyante makalihis an ikinasang operasyon kan mga otoridad huli sa iligal na hoarding, storage, asin pagbabakal nin produktong petrolyo sa Brgy. Tula-Tula Grande, Ligao City, Albay.
Segun ki Albay Police Provincial Office Director Police Col. Noel Nuñez sa itrevista kan Bombo Radyo Legazpi na an nasabing gasolinahan an warang magkakanigong permit asin dae nagsusunod sa mga regulasyon kan gobierno.
Durante kan nasabing operasyon, nakumpiskar kan mga otoridad an sarong tanker truck na igwang built-in fuel pump na may laog na pigkakarkulong 1,000 liters nin gasolina asin mga drum na may laog pa nin nasa poco mas o menos 200 litro nin gasolina.
Nagkakantidad an mga ini nin kabilugan na P2,083,600
An naarestar na negosyante an igwang pagbayolar sa Batas Pambansa Bilang 33.
Nilinaw man ni Nuñez na enkasong makapag comply an nasabing negosyante sa mga rekisitos siring kan business permit asin permit to operate, posibleng makapagpadagos pa an nasabing negosyo.
Mientras tanto, liwat man ining nagpatanid sa publiko dapit sa hoarding nin mga produktong petrolyo.
