Naipabakal sa kantidad na $2.8 milyon an locker sa Staples Center kan namaaram na si NBA star Kobe Bryant.
Dae man pinaglaoman kan Sotheby Auction na maabot sa halangkaw na presyo an nasabing locker huli ta pigpensar ninda na nasa $1.2 milyon sana ini.
Napag-araman na an parte kan napagbakalan kan nasabing locker an itatao sa Los Angeles Lakers Youth Foundation bilang pagtabang sa mga players.
Marurumduman na nagadan an Lakers star makalihis bumagsak an piglulunadan na helicopter kaibanan an aki na si Gianna asin pitong iba pa.
Puon kaito, naglangkaw na an presyo kan mga memorabilia ni Bryant na naipabakal sa mga auctions.
