LEGAZPI CITY-Isasairarom kan Land Transportation Office (LTO) an lisensya kan oil tanker driver na nag-arado sa apat na behikulo sa Mabini Bridge sa Pandacan, Manila sa sarong preventive suspension sa laog nin 90 araw.
Sa ipinaluwas na show cause order kan ahensiya, pigatasan an may sadiri kan oil tanker asin an driver kaini na magpasiring sa ofisina mismo ngani magsumiter kan saindang eksplenasyon kung nata dai dapat patawan nin preventive suspension an driver.
Segun man kay Department of Transportation (DOTr) Secretary Vince Dizon, responsibilidad kan driver kan oil tanker na siertuhon na pirming maayos an kondisyon kan mga minamaneho nindang behikulo.
Mientrastanto, sa maabotn na Agosto 26 nakatakda na maghampang an may sadiri kan oil tanker asin an driver kaini sa himpilan an Land Transportation Office para sa pagpapaliwanag asin an pag-surrender kan lisensya kan driver.
