LEGAZPI CITY- Nasa salbado nang kondisyon an limang pulis na nairido sa ambush kan mga pinagtutubudang miyembro kan rebeldeng New People’s Army (NPA) sa Barangay Alegria, Pio V. Corpuz, Masbate.
Sa intrevista kan Bombo Radyo Legazpi ki Police Staff Srgt. Gerwin Dela Serna, investigator on case, nagpaparahay pa sa presente sa ospital an limang pulis na anas nagsapar nin tama nin bala sa hawak.
Napag-araman na lunad kan police mobile car an mga pulis na maresponde kuta sa insidente nin pambabadil sa lugar kan biglang pasabugan kan mga suspek na nauli sa ribayan nin putok sa mag-iniibong na lado.
Nagluluwas sa inisyal na imbestigasyon na suspek man sa pambabadil-gadan sa sarong Wilcedo Neda kan nasabing barangay na rerespondehan kuta kan mga biktima, an mga naka-engkwentro.
Sa ngonian, pig-iimbestigaran pa kan mga otoridad an insidente asin kun ano an motibo kan mga suspek.
