LEGAZPI CITY-Naglansar an administrasyon ni President Marcos nin Clinics for Learners’ Access to School-health Services Plus initiative (CLASS+) ngani magtao nin libreng serbisyong medikal sa mga pampublikong eskwelahan sa tabang kan Department of Education (DepEd), Department of Health (DOH), asin PhilHealth.
Sa enot na semana kan klase, labi sa 400 na mga estudyante asin paratukdo sa Esteban Abada Elementary School an nakinabang sa mga konsultasyon asin laboratory test.
Obheto kan inisyatiba na gibohon na mga access points an mga school clinic para sa libreng check-up, bulong, asin health counseling gamit an PhilHealth Konsulta Package.
Kasabay ini kan Learners’ Health Assessment and Screening (LHAS) na programa kan DepEd kun saen an gabos na estudyante puon Kinder sagkod Grade 12 maagi sa physical, dental, nutritional, asin mental health screening.
An mga pangkagabsan na eksaminasyon sa salud mapoon sa Hulyo asin an mga pag-aadal sa salud poon Agosto sagkod Disyembre gamit an maninigong mga tools para sa mga jovenes.
Obheto man kan gobyerno na mas mapakusog pa an serbisyo sa salud sa mga eskwelahan sa paagi kan bagong School Health Package base sa datos hale sa mga survey.
