Legazpi City- Piglinaw kan Legazpi City Police Station na bako “gang” an nasa likod kan mga nakalihis na insidente kan Basag Kotse sa syudad.
Segun ki Police Executive Mass Sergeant Carlos Paña, an tagapagtaram kan Legazpi CPS sa intrevista kan Bombo Radyo Legazpi na bako ini makokonsiderang sarong “gang” nin huli ta well trained suboot an mga gang asin may kapasidad na maggibo bako lang sa syudad kundi pati na man sa mga kataraid na lugar.
Pigsabi man kaini na may nadakop na sindang mga suspetsado kan mga nakaagi alagad menor de edad ini asin may mga imbistegasyon na piggigibo nganing maidentipika kun siisay an taggibo sa likod kan insidenteng ini.
Pigtaram man kaini na bako man suboot su dati nindang nadakop an nasa likod kan basag kotse sa sarong parking area asin pig-imbestigahan man an mga pwedeng piglusutan kan suspek sa palibot kan pinangyarihan kan insidente.
Segun pa sa obserbasyon ni Paña bako lang suboot kotse an pigtitira kan suspetsado kundi nakahiling sana ini nin importanteng bagay sa laog kan kotse asin pwedeng mga jeep asin truck an pwedeng pontiryahon kan mga ini partikular na kun makahiling ini ki bagay na pwedeng ipabakal suboot.
Pigtaram pa kaini na gigibuhon kan kawatan an gabos na oportunidad nganing makakuwa nin importanteng bagay na pwedeng ipabakal lalo na suboot kun nagtitios asin warang makaon.
Pigtawan doon man kaini na piggigibo ninda an gabos nganing maaraman kun siisay an taggibo sa mga insidente kaini asin dakulang bagay suboot na nakikipagtabangan an mga nabiktima nganing masawata asin dae na makapangbiktima pa kan parehong insidente.
Padagos an pagirumdom kan saindang hepatura sa mga nagmamaneho nin behikulo na ipark an kotse sa nahihiling kan mga parking attendant, nahahagip kan cctv asin sa maliwanag na parte mantang dae suboot magwalat nin anumang importanteng mga bagay nganing mawaran nin oportonidad an mga kawatan.
