LEGAZPI CITY- Nagpaabot nin tabang asin ayuda an Legazpi City Schools Division Office para sa Catanduanes Schools Division Office ngani na makatabang sa mga naapektaran kan bagyong Pepito.
Napag-araman na an nasabing relief goods an hali sa donation drive na ginibo sa ciudad kan Legazpi.
Segun ki Legazpi City Schools Division Office spokesperson Santi Araña sa intrevista kan Bombo Radyo Legazpi na obheto kan saindang programa na maski papano an mabawasan an pangangaipo kan mga residente kan Catanduanes na hasta sa ngunyan an dae pa nakakabangon hali sa epekto kan kalamidad.
Napag-araman na nasa 55 na mga cartoon nin relief goods an naipadara sa island province.
Laog kaini an manlain lain na mga items siring kan bagas, bulong, hygiene kits asin cash.
Segun ki Araña na an Catanduanes Schools Division Office na an bahala sa paghahanap kan mga resipiente kan nasabing ayuda huli ta sinda an magdedeterminar kun ano an pangangaipo kan mga ini.
