LEGAZPI CITY—Nakapagrehistro nin pagbaba sa crime incidents ngonian na third quarter kan taon kumpara sa parehong panahon kan 2024 an ciudad kan Legazpi.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi, na basado sa average crime rate an nakapagrehistro sinda nin 7.6% kan third quarter kan 2024 asin ngonian na third quarter kan taon an nakapagrehistro sinda nin 7.4%.
Pinakadakol na nairehistro suboot sa index crimes an theft, sunod an physical injury, asin ikatolo an robbery.
Mantang sa non-index crimes an vehicular and traffic accidents, sinundan kan special laws asin other non-index crimes.
Pagdugang kan opisyal na an namamanwaan mismo an makakatabang na magin ligtas an sarong lugar siring kan pagigin vigilant sa palibot asin sa paagi kan pakikipagkoordinar sa kapulisan.
