LEGAZPI CITY — Nagpromesa si Legazpi City Mayor Noel Rosal na warang mangyayaring whitewash asin magigin honesto an imbestigasyon en kaso makapagdesisyon na an nagrereklamong lado sa isyu kan suboot pangungulog kan sarong baguhang kongresista.
Kasunod ini kan viral video kan pananapak ni Ang Probinsiyano Party-list Rep. Alfred Delos Santos sa sarong crew ng food chain sa ciudad na binistong si Christian Kent Alejo, 20-anyos.
Sa intrevista kan Bombo Radyo Legazpi ki Mayor Noel Rosal, nagkaolay na suboot sinda ni PLt/Col. Aldwin Gamboa, hepe kan Legazpi City PNP dapit digdi alagad ‘for record purposes’ pa sana suboot an naisasagibong aksyon.
Klarado man suboot an direktiba sa pulisya na warang papanigan o dedepensahan dawa elected official pa an imbwelto.
Ipigduon man ni Rosal na dae maibubusol an anuman na reklamo kun warang complainant kaya kaipuhan na mismong an crew na si Alejo an dapat na magsunad kaini.
Inasegurar man kan alkalde na dadangugon an duwang lado tangarig na matanos na maresolbahan an isyu.
