LEGAZPI CITY – Padagos an pamamayagpag kan Legazpi City Division sa partial and unoffial medal tally sa pagtatapos kan ikatulong aldaw kan Palarong Bicol 2026 na may 20 gold medals, 10 silver, asin 7 bronze medals.
Segun ki Legazpi Schools Division Office Spokesperson Santi Araña sa intrevista kan Bombo Radyo Legazpi na dugay pa ini sa presente huli ta igwa pang piglalabanan an mga atleta na labi 1,200 na mga medalya sagkod sa matapos an naunambitang palaro.
Basado man sa saindang impormasyon, nagkamada nin dakol na medalya an Legazpi City Division sa larangan kan swimming na nagbusol kan saindang tally sa primerong pwesto alagad nakapreparar man liwat sinda enkaso magbukod an saindang mga kalaban.
Naglalaom man sinda na makakaguno pa nin kadakol na medalya an saindang Division partikularmente na sa Taekwondo asin iba pang mga kawat sagkod sa ultimong aldaw kan pakawat nganing makadugang sa saindang tally.
Dae man pighahale kan opisyal an posibilidad na igwa nin bentahe an pagkawat kan mga atleta sa sadiring teritoryo alagad dae ninda ini 100% na pighihiling kundi nagsasandig sana sinda sa kusog kan mga atleta.
Igwa man suboot nin mga makukuwang cash incentives an mga medal-winning athletes kan Legazpi City nganing ma-enganyar an mga ini na maghingoa sa saindang binalehan na mga pakawat asin makakuwa nin podium finishes.
Pagdoon man ni Araña na labi pa sa mga medalya, mawot nindang mahiling an sportsmanship kan mga atleta sa saindang kapwa atleta, disiplina, asin kompyansa sa sadiri na madadara ninda sa Palarong Pambansa.
