LEGAZPI CITY- All set na an Legazpi City sa pagpupuon kan selebrasyon kan Ibalong Festival 2024.
Kun babalikan, 3 taon an nakalihis na napindiente an selebrasyon kan Ibalong Festival huli sa nag-aging pandemya asin ngunian na taon liwat naman ining iseselebrar sa syudad.
Segun kay Ricky Loterte,an OIC kan Legazpi City Tourism Office sa naging intrevista kan bombo radyo Legazpi, preparado na sinda sa mga gigibuhon na mga aktibidades sa laog kan sarong bulan na selebrasyon kan nasabing kafiestahan.
Pormal na bubukasan ini sa aga, Agosto 8 asin magkakaigwa suboot nin grand parade sa petsa 9 ngunian na bulan.
Pigsabi kan opisyal na nagkaigwa na sinda nin coordination meeting kaiba an mga public safety personnel asin Philippine National Police para maasigurar an kaligtasan kan mga mabisita sa syudad na makikisumaro sa mga nakalinyadang aktibidad.
Mientrastanto, papartisiparan man kan nasa poko mas o menos 30 US asin South Korea Navy an opening parade kun saen presenteng yaon sa Legazpi para sa taonang Pacific partnership.
Dugang pa kan opisyal na saro sa mga highlights kan aktibidad kan Ibalong Festival an Mutya ng Ibalong, Lakan ng Ibalong asin an Street presentations.
