LEGAZPI CITY – Magkakaigwa nin bawas sa singil sa tubig an mga regular na konsumidores kan Legazpi City Water District (LCWD) sa laog nin tulong bulan puon ngonian na Hulyo hasta sa Setyembre.
Sa intrevista kan Bombo Radyo Legazpi ki LCWD Customer Account Division Officer in-charge Richard Atun, inaprubahan na kan board of directors an kasuguan para sa rebates, na ikaduwang beses pa sanang nangyayari sa 38 taon kan water supplier sa ciudad asin pinakahudyan kan taong 2012.
Segun ki Atun, igwang bawas na P2. 20 an kada cubic meter consumption, ano man an klasipikasyon kan konsumidor.
Paagi man suboot ini tangarig na maipa-abot an pasasalamat sa mga konsumidores sa laog kan pirang dekadang pagsi-servicio.
Dae man sakop kan rebates an mga daeng konsumo puon Enero hasta Pebrero kan presenteng taon.
Mientras tanto, ipig-eksplikar pa kaining bako man resulta kan ‘overcharging’ an rebates asin aprubado man kan Local Water Utilities Administration (LWUA).
