LEGAZPI CITY- Nakapagrehistro na nin pagrasay nin daga sa parte kan Barangay Pananaogan, sa banwaan kan Bato, Catanduanes.
Ini an katakod kan warang patod na mga pag-uran na dara kan Tropical Storm Kristine.
Basado sa abiso kan Bato Municipal Disaster Risk Reduction and Management Office sarong linya sana an naaagihan ngunyan sa nasabing tinampo.
Solamenteng mga motorsiklo asin tricycle sana an makaka agi sa nasabing lugar.
Nagpirundom man an ahensya sa publiko na maglikay asin ibitaran muna an pagbiyahe kun bako man importante.
