LEGAZPI CITY—Arestado an sarong lalaki makalihis an ikinundusir na search warrant operation sa pagbalgar sa Republic Act 10591 o Comprehensive Firearms and Ammunition Regulation Act sa banwaan kan Castilla, Sorsogon.
Narekober sa suspek na binistong si alyas “Gringo” sarong 54-anyos, an sarong unit Caliber .45 pistol, duwang pidaso nin steel magazine para sa Caliber .45, asin 16 na pidaso nin live ammunition para sa Caliber .45 pistol.
Nagin maayos asin naaayon sa proseso an isinagibong search operation kun sain inatendiran man ini kan mga testigo gikan sa barangay.
Idinara an suspek sa Criminal Investigation and Detection Group Sorsogon Provincial Field Unit para sa dokumentasyon asin magkakanigong disposisyon.
