Gadan an sarong lalaki makalihis na saksakon kan saiyang pamangkin mantang ini nagtuturog sa Bacolod City.
Nagluluwas sa imbestigasyon kan pulisya na sinaksak kan suspek an biktima mantang ini nagtuturog sa saindang harong sa barangay Sum-ag kan Lunes.
Nagsapo nin lugad sa daghan asin likod an biktima.
Pigtutubudan na pigtuyo kan suspetsado na gadanon an biktima huli ta dae ini nagpundo sa pagsaksak sa ibong kan sinabihan kan mga kaparyentes.
Nagdulag an suspetsado asin dae nahaloy inarestar kan mga awtoridad sa tabang kan nagkapirang residentes.
Nadagit man an suspechado sa biktima huli ta pigdududahan kaini na may gusto an saiyang tiyuon sa saiyang partner.
Pinahimutikan kan agom kan biktima an alegasyon kan suspetsado sa saiyang agom na may gusto ini sa partner kan saiyang pamangkin.
Aminado an ama kan suspek na naggagamit nin iligal na droga an saiyang aki.
Nagsayumang magtao nin pahayag an suspetsado na nahahampang sa kasong murder.
