LEGAZPI CITY—Nailigtas kan mga personahes kan Philippine Coast Guard asin Municipal Disaster Risk Reduction and Management Office Mobo an sarong lalaking nalalamos sa kadagatan kan Sitio Licoson, Barangay Luyong, Catungan, Masbate.
Segun ki Municipal Disaster Risk Reduction and Management Office Mobo Team Leader, Jose Carmen Laurio, sa intrevista kan Bombo Radyo Legazpi, na mantang naglilibot an mga otoridad sa lugar naaktuhan ninda an sitwasyon kan biktima.
Napag-araman na pinulikat suboot an bitis kan biktima kun saen tulos man nirespondehan ini kan mga otoridad asin tinawan nin pangenot na lunas.
Sinabi pa kan opisyal na ini an solamenteng nairehistrong insidente nin pagkalamos sa nasabing banwaan.
Mientrastanto, nangapudan man si Laurio sa publiko na dapat mag-ingat pirme asin ibitaran an pag-inom nin arak mantang nagmamaneho nganing iwas-disgrasya.
