LEGAZPI CITY—Narekober kan mga otoridad an sarong hawak kan sarong lalaki wara nang buhay sa baybayon kan Barangay Cambulaga, Sorsogon City.
Segun ki Sorsogon City Police Station Chief of Police Police Lieutenant Colonel Christopher Aduviso, sa intrevista kan Bombo Radyo Legazpi, an biktima residente kan Barangay San Juan Roro kan nasabing ciudad.
Posible suboot na nasa impluwensya nin arak an biktima asin naaksidente ini.
Basado man suboot sa salaysay kan pamilya kan biktima na pwedesir na na-out of balance an biktima mantang pauli na ini sa saindang lugar na harani sa salog sagkod na nakaabot na an lawas kaini sa nasabing baybayon na nagin rason kun nata ini binawian nin buhay.
Dugang ni Aduviso na wara man sindang nahiling na foul play sa nasabing insidente.
Mientrastanto, nagpatanid man an opisyal na pirmehang mag-ingat nganing maibitaran an siring na mga pangyayari.
