Kritikal an sarong lalaki makalihis mabangga kan duwang magkaibang behikulo sa Lapasan Highway sa Cagayan de Oro City.
Susog sa mga report, bigla suboot nagbalyo an lalaki kun saen siya enot na nahagip kan multicab.
Tuminalyap an biktima sa ibong na lane kan tinampo kun saen man siya nabangga kan papaabot na Vios.
Pigporbaran pa kutang pumreno kan Vios alagad tuminama pa man ini sa lalaki, rason nganing pumairarom an biktima.
Sarong behikulo man an buminangga sa likudang parte kan Vios huli sa biglaang pagpreno kaini sa tinampo.
Nasa ospital na an biktima na presenteng nasa kritikal na kondisyon.
Padagos an imbestigasyon kan mga awtoridad sa nabanggit na aksidente.
