LEGAZPI CITY– Kagadanan an kinatapusan kan sarong lalaki makalihis na maimbwelto sa aksidente sa tinampo sa P-7 Sitio Makael, Brgy Pandan sa syudad kan Ligao.
Sa inisyal na imbestigasyon kan mga otoridad, napag-araman na byahe sinda Ricardo Loto, 43-anyos asin Gabriel Perdigones, 25-anyos lunad nin motor kan bigla na sanang mahulog an mga ini sa sarong kanal.
Nagibo pa ining maidalagan sa ospital alagad dae na nakaabot pang buhay si Loto na pigtutubudan na nakabadol an payo sa matagas na bagay sa kanal.
Sa ngunyan, labi an pagbasol ni Perdigones sa sinapar kan amigo huli ta pareho sindang nasa impluwensya nin arak kan mangyari an nasambitan na insidente.
