Gadan an sarong 54 anyos na lalaki makalihis badilon kan saro pang driver na saiyang nakagitgitan sa Dasmariñas, Cavite.
Nahiling sa CCTV footage an duwang behikulo na nag-aagi sa Abad Santos Avenue sa Barangay Salitran III kan naunambitang lugar.
Parehong nagpundo an duwang lunadan bago binuksan kan drayber kan pulang kotse an bintana kaini asin pareho sindang luway-luway na nagmaneho paharayo.
Nagluluwas na nagkaigwa nin diskusyon an duwang drayber.
Pakalihis nin pirang minuto, an drayber kan pulang kotse garing nagtutok nin sarong bagay sa drayber kan puting pickup bago nagmaneho nin marikas.
Binisto an driver kan puting pickup na si Mayo Junel Santos, empleyado kan Meralco na nawalat sa pickup.
Sa saro pang ladawan na kinuwa kan sarong testigo, mahihiling si Santos na duguan, na nagmistulang binadil kan drayber kan pulang kotse.
Dinara sa ospital an biktima alagad dae naka-abot na buhay.
Nagluluwas sa imbestigasyon kan pulis na nagtutubod sinda na iriwal sa trapiko an motibo kan pambabadil.
Nagsasagibo na nin backtracking asin follow-up operations an mga otoridad para madakop an gunman.
Nakipag-ulay na man sinda sa Land Transportation Office o LTO ngani na maaraman an pulang kotse na ginamit sa krimen.
