Naharang sa Lynden Pindling International Airport sa Bahamas si Los Angeles Lakers center Deandre Ayton huli sa pigsususpetsaran na pagdadara nin marijuana.
Nilinaw kan abogado ni Ayton na dae ini naarestar asin paramientras sanang pigkostudiya antes pinalibre.
Enot na kayang nagluwas sa mga impormasyon na inarestar asin nakulong an basketball player makalihis madiskubre an nasabing marijuana.
Paliwanag kan nasabing abogado na nakahiling an mga ototidad nin diit na amunto nin marijuana alagad bako ini sa bag ni Aytyon.
Katunayan, an nasabing marijuana an nasa laog suboot kan bag nin ibang persona.
Marurumduman na nagsasaibo na nin mga lakdang an Bahamas ngani na mai-legal na an marijuana para sa medikal asin religious purposes, alagad nagtetenir ining iligal.
