LEGAZPI CITY – Pigtuyaw ni Albay 1st district Rep. Edcel Lagman an Department of the Interior and Local Government (DILG) huli sa bako tuwiran o indirect shaming tactic kontra sa mga pamilya o kaharungan na pigkonsiderar na non-drug free.
Plano kaya kan ahensya na magdistribwir nin “drug free” stickers sa mga harong kan non-drug users o nagbagong drug addicts.
Ini an kabaligtaran kan kontroberysal na “spray paint shame campaign” kaito ni dating Manila Mayor Alfredo Lim.
Segun ki Lagman, an mga harong na bako resipyente kan ‘drug free’ stickers an nahahampang sa kasusupgan asin pagtuyaw huli sa pwedesir na pagpensarang drug-pusher o user an nakaistar digdi.
Ipigduon pa kan kongresista na kan 2000, pigdeklarar kan Court of Appeals (CA) na unconstitutional an spray-painting shame ordinance huli sa pigbalgar kaini an constitutional guarantees sa pagpensar kan saindang kawarang-malay asin pantay na proteksyon.
Kontra man suboot ini sa rule of law huli sa warang due process.
