Panibagong pasakit na naman an maeeksperyensyahan kan mga motorista sa masunod na semana.
Ini an katakod kan naka-ambang labi sa piso na paglangkaw sa presyo kan produktong petrolyo.
Basado sa Department of Energy-Oil Industry Management Bureau na pigkakarkulo na nasa 90 sentimos hasta P1.40 kada litro an ilalangkaw sa presyo kan gasolina.
An diesel man an igwang piso hasta P1.40 na dagdag presyo sa kada litro asin an kerosene an igwang piso hasta P1.20 na dagdag presyo.
Komon na pigpapaluwas kan mga kumpanya nin langis an pinal na abiso tuyong Lunes asin pigpapaotob tuyong aldaw nin Martes.
