Ipighayag ni Presidente Ferdinand “Bongbong” Marcos Jr. na maabot sa 600,000 pamilya an nakaabot sa self-sufficiency sa paagi kan Pantawid Pamilyang Pilipino Program (4Ps).
Segun ki Marcos, nakatabang an programang ini sa edukasyon asin salud kan mga kaakian sa paagi kan conditional cash grants.
Kan nakaaging taon maabot sa 4 milyones na kaharongan an natabangan kan 4Ps.
Mientrastanto, ipiglunsar kan Department of Social Welfare and Development (DSWD) an “Kaagapay Donations Portal,” sarong digital platform para maparikas an pagpapadara nin donasyon sa mga nangangaipuhan.
Afuera digdi, ipinamidbid man kan DSWD an sarong ‘virtual one-stop-shop’ para sa mas marikas na proseso kan saindang regulatory services, kairiba an mas pinarikas na aplikasyon para sa travel clearance kan mga menor de edad na mahali sa nasyon.
.){kind=link}