LEGAZPI CITY-Pigebakwar na an labi sa 300 na mga residente sa Baleno Masbate bilang paghanda sa Bagyong Tino.
Segun kay Baleno Municipal Disaster Risk Reduction and Management Office Head Danilo Ramirez, sa intrevista kan Bombo Radyo Legazpi, na nagkondusir na sinda nin forced evacuation sa haros 350 na mga residente kun sain nasa 90 mga pamilya ini sa 4 na barangay sa Baleno Masbate.
Kaipuhan suboot ini ngani makapag-preparar an mga namamanwaan sa lugar huli sa Bagyong Tino.
Kairiba sa mga lugar an Barangay Poblacion asin Lipata na ipigkokonsiderang Low-lying areas kun sain harani ini sa kadagatan.
Sa presente nagtetenir sa mga evacuation center an mga residente kaiba na an mga Persons with Disabilities, mga bados, asin mga jovenes kun sain pigtatawanan na man suboot nin magkakanigong asistensya.
Pagirumdom man sa mga taga-Baleno Masbate na magantabay sa panahon asin kun kinakaipuhan an tulos na mag-ebakwar sa mga evacuation centers.
