LEGAZPI CITY-Nakahanda na an mga personahes kan Bureau of Fire Protection Bicol sa pagresponde sa posibleng insidente sa tahaw kan mga selebrasyon tuyong kapaskuhan asin Bagong taon.
Segun kay Bureau of Fire Protection Regional Office 5 Fire Senior Superintendent Achilles Santiago, sa intrevista kan Bombo Radyo Legazpi na nasa 2, 471 kan saindang mga personahes an naka-deploy siring man an 200 fire trucks, 48 na ambulansya, asin 11 mga rescue vehicles.
Mantinidong nakabantay an saindang personahes, 24 oras, sagkod sa pagabot kan ika-15 kan Enero.
Mantang nagbaba suboot nin 3% an mga insidente ngonian kumpara kan nakalihis na taon, alagad kinakipuhan suboot an mas mahigot na kooperasyon sa mga operasyon asin pagdagdag nin mga personahes.
Kumpleto man suboot an saindang mga fire protection plan sa mga komunidad katuwang an pakikibagtangan ninda sa mga barangay officials.
Magkokondusir man an ahensya nin inspeksyun sa gabos an mga mall asin mga tindahan kan paputok magin kan mga christmas lights.
Ipigkokonsidera man na high risk an petsa 24 asin 31 kan Disyembre huli sa mga paputok na posibleng magsibagsakan sa mga kaharongan.
Mensahe man kan opisyal sa gabos na mawot nindang maibitaran an mga kasulo sa tahaw kan selebrasyon asin pigiimplementar suboot ini huli sa importante an sistema asin pagtatarabangan.
