Nag-abot na sa labi 1,000 na mga pasahero an apektado kan pagsuspinde nin byahe sa mga pantalan kan Bicol.
Sa intrevista kan Bombo Radyo Legazpi kay Achilles Gallendes an Media Relation Officer kan PPA-Port manangement Office, sa datos nagabot na sa 1,105 na mga pasahero an naantala an byahe mantang nag-abot na man sa 170 na mga rolling cargos an nairehistro sa mga pantalan sa Bicol.
Pinaglalaoman pa na mas lalo pa ining madadagdagan nin huli sa dagos-dagos man giraray an pag-abot kan mga lulunadan na nagmamawot na makasakay sa mga barko.
Nangapudan man an opisyal na obserbaran nguna an lagay kan panahon antes an pagbyahe nin huli sa dakol na an nakapila na nagmamawot na makasakay sa mga barko.
Dagos man an pakikipagkoordinar kan ahensya sa mga nakakasakop na mga LGU para sa pagtabang asin monitoring sa mga straded na mga byahero.
Pinag-abisuhan kan opisyal an mga byahero na ipagpaliban na nguna an pagbyahe para maasigurar an kaligtasan asin dae na maglaba pa an pila kan mga vehikulo sa mga pantalan.
