LEGAZPI CITY—Nakumpiskar sa ikinundusir na buy-bust operation kan mga otoridad an pocomas o menos P81,000 na kantidad nin pigtutubudang shabu sa Barangay Fabrica, Bulan, Sorsogon.
Binisto an suspek na si alyas “Miyo”, 41-anyos, asin pigkonsiderar na high-value individual.
Naarestar ini makalihis suboot na magpabakal nin pigtutubudang shabu sa sarong police poseur buyer.
Nakumpiskar sa ginibong body search an pirang pakete nin pigtutubudang shabu na haros 12 gramos na may standard drug price na labi P81,600, kaiba an buy-bust money asin iba pang personal na kagamitan.
Ginibo an operasyon sa pinagsarong operatiba kan PNP Drug Enforcement Group asin Bulan Municipal Police Station.
Isusumiter sa Sorsogon Provincial Forensic Unit an mga nakumpiskar na pigtutubudang ilegal na droga para sa laboratory examination mantang an suspek an masairarom sa magkakanigong proseso.
