LEGAZPI CITY—Nag-abot na sa ciudad kan Legazpi an nasa 650 delegado kan isla provincia kan Masbate katakod kan paparaning Palarong Bicol 2026.
Segun ki Schools Division Office Masbate Sports Division Coordinator Rufino Arellano, sa intrevista kan Bombo Radyo Legazpi, na nagtitinir an saindang grupo sa Bagumbayan Elementary School na iyo an nagsisirbi nindang billeting area.
Nagsairarom man sa interviews an saindang mga delegado para sa eligibility kan mga atleta asin coaches na mapartisipar sa nasabing aktibidad.
Wara man na-disqualify na atleta alagad may sarong coach an dae makakabale, kun sain sainda man ining reresolbaran.
Dugang kan opisyal na prayoridad ninda an kaligtasan asin salud kan mga delegado siring kan pagbakal nin face masks urog na ngonian na nagpapadagos an pag-alburoto kan bulkang Mayon.
Mientrastanto, pig-asigurar man ni Arellano na gigibohon kan saindang team an gabos na makakaya para sa Palarong Bicol 2026.
