Mahahampang sa mga kasong kriminal an labi sa 40 katawo na pasimuno suboot kan protesta kontra korapsiyon kan Setyembre 21 kan presenteng taon.
Segun ki Criminal Investigation and Detection Group (CIDG) Major General Robert Alexander Morico III, kabale sa respondents an mga pasimuno kan riots na inilansar kan manlaen-laeng grupo na Trillion Peso March.
Tikom man an ngimot kan CIDG official kan mahapot sa pagkakakilanlan kan mga indibidwal na susunadan nin kaso.
Target kan CIDG na magsunad nin mga kaso posible sa masunod na semana alagad dae man sinabi kun anong partikular na kaso an isusunad.
Mantang ipigdoon ni Maj. Gen Morico na saindang pig-iimbestigaran urog na an mga imbuelto bako sana an mga saradit na indibidwal kundi maging an mga darakulang personalidad.
Magigiromdomang sa kasagsagan kan mahewasang kilos protesta kan Setyembre 21, pinagraraot kan nagkapirang demonstrador an nagkapirang pagrugaring kan gobyerno, kung kaya segun sa CIDG dapat na mapanimbag an mga utak sa likod kan karahasan.
