LEGAZPI CITY – Paramientras na napendiente an biyahe kan nasa 276 pasahero sa Tabaco City port na biyaheng Catanduanes, susog sa datos kan Philippine Ports Authority (PPA).
Katakod ini kan piglalaoman an darakulang ukol kan kadagatan na posibleng maka-apektar sa mga saradit na behikulong pandagat huli sa epekto kan Bagyong Jenny.
Sa intrevista kan Bombo Radyo Legazpi ki Tabaco City Disaster Risk Reduction and Management Council (CDRRMC) chief Hugo Buen, nagpaotob man nin class suspension puon elementarya hasta sekondarya.
Padagos man na namamatian an moderatong pag-uran sa nasabing ciudad.
Inasegurar kan Philippine Coast Guard an pagbabantay sa hiro kan mga bangkero tangarig na masierto an seguridad kan mga ini.
Mientras tanto, nakatalaan man na mag-convene an CDRRMC ngonian na hapon para sa iba pang preparasyon katakod kan raot nin panahon.
