LEGAZPI CITY—Maabot sa 17,000 indibidwal an nagpasiring sa mga kamposanto katakod kan pag-obserbar kan Undas 2025 sa provincia kan Catanduanes.
Segun ki Catanduanes Police Provincial Office Public Information Officer Police Major Emsol Icawat, sa intrevista kan Bombo Radyo Legazpi, an nasabing datos an haros kaparehas suboot an numero kan nakaaging taon.
Nakapag-deploy suboot sinda nin nasa 900 personahes kun saen kabale na digdi an saindang kapulisan, Philippine Army, Bureau of Fire Protection, Philippine Coast Guard, iba pang special unit kan PNP, asin advocacy support group.
Mientrastanto, nagpepreparar na man suboot an saindang oficina huli sa huma kan bagyong Tino.
Mensahe man ni Icawat sa namamanwaan kan Catanduanes na magtenir na naka-antabay sa mga anunsyo kan mga otoridad o updates gikan sa state weather bureau nganing makapagpreparar en kaso maapektaran an saindang lugar.
